Serbiya Prezidenti Aleksandr Vuçiç bildirib ki, polis üç gündür Belqradda iki snayperi axtarır. Ölkə hakimiyyəti son həftələrdə “müxtəlif təhlükəsizlik məlumatları” alıb: “Onları üç gündür tapa bilmirik.
Qurbanlarının kim olduğunu görəcəyik. Hara getdikləri, pulların haradan gəldiyi məlumdur və inanıram ki, səlahiyyətli orqanlar bu məsələ ilə məşğul olacaqlar”, – deyə Vuçiç Prva televiziyasına bildirib.
Prezidentin sözlərinə görə, snayperlərin hədəfinin kim ola biləcəyi məlum deyil. O, əlavə edib ki, “zorakılığa və ya hakimiyyəti dəyişdirmək üçün xarici təsirə” dözməyəcək.
Qeyd edək ki, noyabrın əvvəlində Serbiyada Novi Sad dəmir yolu stansiyası faciəsinin ildönümünü qeyd etmək üçün kütləvi etirazlar keçirilib. 2024-cü ildə tikilinin uçması nəticəsində 16 nəfər həlak olub. Vuçiç snayperlərin etirazlarla əlaqəli olub-olmadığını deməyib.
//Samir Qurbanov, Editor.az
