GlobalInfo portalından verilən məlumata əsasən, ain.az bildirir.
İranın paytaxtı Tehranda yaxın iki həftə ərzində ciddi su qıtlığı yaşana bilər.
Globalinfo.az-ın xəbərinə görə, bu barədə Tehran Su İdarəsinin baş direktoru Behzad Parsa bildirib.
O qeyd edib ki, şəhərin əsas su mənbəyi olan Əmir Kəbir bəndində hazırda cəmi 14 milyon kubmetr su qalıb. Bu, bəndin ümumi tutumunun cəmi 8 faizinə bərabərdir.
Parsanın sözlərinə görə, bəndin indiki vəziyyəti paytaxtı maksimum iki həftə ərzində su ilə təmin etməyə imkan verir. O qeyd edib ki, bu azalma əsasən yağıntıların kəskin şəkildə azalması ilə bağlıdır.
Tehran və Əlborz əyalətlərinə su təminatı beş əsas bənd – Lar, Məmlu, Əmir Kəbir, Talikan və Latyan vasitəsilə həyata keçirilir. Hazırda onların demək olar ki, hamısında su səviyyəsi təhlükəli həddə enib.
Tahir Turan
Globalinfo.az
Daha ətraflı məlumat və yeniliklər üçün ain.az saytını izləyin.
