Premyer Liqa: Zubir derbidə yeni rekordçu ola bilər

Bu həftə futbol üzrə Azərbaycan çempionatının (Premyer Liqa) 2025/2026-cı illər mövsümünün ilk Azərbaycan derbisi baş tutacaq.

Arena.az xəbər verir ki, Premyer Liqanın 2025/2026-cı illər mövsümünün 11-ci turu çərçivəsində “Qarabağ” “Neftçi”ni qəbul edəcək.

“Zəfər turu” çərçivəsində noyabrın 9-da “Azərsun Arena”da keçiriləcək bu qarşılaşmaya saat 18:44-də start veriləcək.

Peşəkar Futbol Liqası bu qarşılaşma öncəsi komandalar arasında indiyədək keçirilmiş oyunlarda vurulan qolların statistikasını təqdim edib:

İlk qolu Zaur Qarayev (“Qarabağ”) vurub – 26.09.1992. “Neftçi” – “Qarabağ” – 1:1.

“Neftçi”nin ilk qoluna Ərani Beydiyev imza atıb – 26.09.1992. “Neftçi” – “Qarabağ” – 1:1.

Derbidə 103 futbolçu rəqib qapısına qol vurub.

“Qarabağ”ın 55 oyunçusu qol sevinci yaşayıb.

“Neftçi”nin 53 futbolçusu rəqib qapısına yol tapıb.

5 futbolçu hər iki komandada qola sevinib.

Mahir Emreli (“Qarabağ”) derbilərin bombardiridir – 9 qol.

Növbəti derbisinə çıxacaq Abdullah Zubir (“Qarabağ”) 8 dəfə fərqlənib və rekorda çatmaq imkanına malikdir.

“Neftçi”nin heyətində isə Nikolas Kanales və Flavinyo daha çox – hərəyə 4 dəfə fərqləniblər.

Hər iki komandada qol vuranlar arasında Filip Ozobiç daha çox – ümumilikdə 6 dəfə rəqib qapılarına yol tapıb.

Xəbəri istədiklərinizlə paylaşın

error: Məzmun qorunur!

Premyer Liqa: Zubir derbidə yeni rekordçu ola bilər - ARENA.AZ