"Qarabağ" bu gün Çempionlar Liqasının əsas mərhələsinin 4-cü turunda "Çelsi" ilə üz-üzə gələcək.
Publika.az xəbər verir ki, "köhlən atlar"ı bu gecə böyük mükafat gözləyir. Ağdam klubu İngiltərənin məşhur klubu üzərində qələbə qazanarsa, futbolçular heç vaxt olmadığı qədər mükafat əldə edəcəklər.
Əsas heyətdə meydana çıxanların hər birini 120 min manat civarında məbləğ gözləyir. Ola bilsin, oyun saatına qədər bu rəqəm bir qədər də artırılsın. 1 xal əldə olunarsa, komanda yenə pulsuz qalmayacaqlar. "Qarabağ" rəhbərliyi oyunçulara 65-70 min manat civarında ödəmə edəcək.
Qeyd edək ki, cari mövsümdə ÇL-də 2 qələbə qazanan Ağdam təmsilçisi "Benfika" zəfərinə görə oyunçularına 100 min manatın üstündə ödəmə edib. "Kopenhagen" qalibiyyəti isə onları 70 min manatdan artıq irəli salıb.
