BAKI, 5 noyabr. TELEQRAF
Dekabrın 3-4-də Moskvada BRICS+ formatında antiterror konfransı keçiriləcək.
Teleqraf xəbər verir ki, bu barədə Rusiya Xarici İşlər Nazirliyi (XİN) məlumat yayıb.
Bildirilib ki, "BRICS+ 2025: Yaranan çağırışlar və təhlükəsizlik təhdidləri şəraitində terrorizmlə mübarizədə milli və regional strategiyalar” adlı tədbir Rusiya XİN-in təşkilatçılığı ilə baş tutacaq.
Konfransda BRICS+ ölkələrinin aidiyyəti dövlət qurumlarının nümayəndələri, vətəndaş cəmiyyəti institutları və elmi dairələrin ekspertləri iştirak edəcəklər. Həmçinin BMT, MDB, ŞƏT və KTMT üzrə mütəxəssislər də müzakirələrə qoşulacaq.
Tədbirdə ekstremizmə qarşı mübarizə, radikallaşmanın qarşısının alınması, terrorizmin köklərinin aradan qaldırılması ilə bağlı nəzəri yanaşmalar, milli, regional və qlobal təhlükəsizlik riskləri müzakirə ediləcək.
