Baku.ws saytına istinadən ain.az xəbər verir.
Fransanın paytaxtı Paris yaxınlığında Luvr Muzeyindən 88 milyon avro dəyərində zinət əşyalarının oğurlanması ilə bağlı bir nəfər həbs edilib.
BAKU.WS xarici mediaya istinadən xəbər verir ki, 39 yaşlı Abdoulaye N. adlı bu şəxs sosial şəbəkələrdə "Doudou Cross Bitume" adı ilə tanınan fenomen və keçmiş mühafizəçidir.
Onun DNT izləri hadisə yerində tapılıb və "təşkilatlanmış oğurluq"da iştirak etdiyi bildirilir. Araşdırmalara görə, oğurluğu dörd nəfərlik qrup həyata keçirib və əməliyyat cəmi yeddi dəqiqə çəkib.
Oğurlananlar arasında Napoleonun həyat yoldaşlarına məxsus dəyərli boyunbağı və tac da var.
Qeyd edək ki, Abdoulaye N.-nin 15 cinayət üzrə keçmişi olduğu, əvvəllər Pompidu Mərkəzində təhlükəsizlik işçisi kimi çalışdığı açıqlanıb.
Hazırda istintaq davam edir, oğurlanan zinət əşyaları isə hələ tapılmayıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
