Xalqcebhesi portalından əldə olunan məlumata əsasən, ain.az xəbər verir.
“Yeni texnologiyaların sürətlə inkişaf etdiyi, qloballaşma prosesinin çox sürətlə getdiyi bir dövrdə milli dillərin qorunması ciddi problemlərlə üzləşə bilər. O cümlədən də Azərbaycan dilinin qorunması ilə bağlı problemlər yox deyil”.
Bu fikirləri xalqcebhesi.az-a açıqlamasında siyasi şərhçi Azər Həsrət söyləyib.
Onun bildirdiyinə görə, bu baxımdan Prezident İlham Əliyevin Azərbaycan Milli Elmlər Akademiyasının 80 illik yubiley tədbirində Azərbaycanın dövlət dili olan Azərbaycan dilinin qorunması ilə bağlı səsləndirdiyi fikirlər çox yerinə düşür: “Özəlliklə də yeni texnologiyaların hər kəs üçün əlçatan olması, yeni televiziya kanallarının, sosial medianın gen-bol istifadə imkanlarının yaranması bu çağırışı aktual edir. Ona görə də düşünürəm ki, hər kəs Azərbaycan dilinin istənilən platformada qorunmasına öz töhfəsini verməlidir. Bu, dövlət də ola bilər, qeyri-dövlət də ola bilər. Yəni bu istiqamətdə hər bir fərdin üzərinə böyük vəzifələr düşür”.
Röya İsrafilova
Daha ətraflı məlumat və yeniliklər üçün ain.az saytını izləyin.
