"Almaniyanın Tbilisidəki səfiri Berlindəki məsləhətləşmələrdən sonra bu gün Gürcüstana qayıdıb. O, tam dəstəyimizlə orada aktiv işini davam etdirəcək".
Ucnoqta.az xəbər verir ki, bu barədə Almaniya Xarici İşlər Nazirliyinin açıqlamasında bildirilir.
Fişer oktyabrın 19-da geri çağırılıb. Almaniya Xarici İşlər Nazirliyi daha sonra Gürcüstan hakimiyyətinin Aİ, Almaniya və şəxsən Fişerə qarşı aylarla davam edən təşviqatını qeyd edib.
Oktyabrın 6-da Gürcüstanın Baş naziri İrakli Kobaxidze xarici kəşfiyyat xidmətlərini çevriliş hazırlamaqda ittiham edib və Aİ nümayəndələrinin Tbilisidə hökumət əleyhinə etirazlarda iştirak etdiyini iddia edib.
