Şatdaun səbəbindən ABŞ-nin ən böyük 40 hava limanında təxminən 1800 uçuş ləğv edilib.
Musavat.com xarici mediaya istinadla xəbər verir ki, ABŞ Nəqliyyat Departamenti əsas hava qovşaqlarında uçuş əməliyyatlarında 10% azalma elan edib. Bu, hökumətin son illərdə maliyyələşdirmə olmadan ən uzun müddətə bağlanması ilə əlaqədardır.
Büdcə razılaşmasının olmaması səbəbindən minlərlə aviasiya sənayesi işçisi, o cümlədən hava nəqliyyatı dispetçerləri və təhlükəsizlik işçiləri maaş almadan işləməyə davam edirlər. Bu, hava limanlarında fasilələrə və tutumun azalmasına səbəb olub.
Təsirə məruz qalan şəhərlər arasında Nyu-York, Vaşinqton, Çikaqo, Atlanta, Los-Anceles və Dallas var. Bu qovşaqlarda ən çox uçuş ləğvi və gecikmə halları müşahidə olunur.
Musavat.com
