Nigeriya Xəstəliklərə Nəzarət Mərkəzi (CDC) Lassa qızdırmasının ölkənin paytaxtı Abuja da daxil olmaqla 21 ştatda 102 rayonda yayılmağa davam etdiyini açıqladı.

Bəyanatda qeyd olunur ki, 1 yanvar - 5 noyabr tarixləri arasında 8367 şübhəli Lassa hadisəsi aşkar edilib və onlardan 955-i müsbət nəticə verib.

Bəyanatda həmçinin virusdan ölənlərin sayının 176-ya çatdığı, ən çox təsirlənən yaş qrupunun 21-30 yaş arasında olduğu qeyd edilib.

Keçən il 190 nəfər ölüb

Lassa virusu ötən il ölkə miqyasında 190 nəfərin ölümünə səbəb olub. Nigeriya hökuməti 23 yanvar 2019-cu ildə Lassa qızdırması səbəbindən fövqəladə vəziyyət elan edib.

Mali, Toqo, Qana, Liberiya və Sierra Leone kimi bir çox Afrika ölkəsində müşahidə edilən Lassa qızdırması ilk dəfə 1969-cu ildə Nigeriyada ölkənin şimal-şərqindəki Borno əyalətində aşkar edilib.

Siçovul nəcisi ilə təmas yolu ilə ötürülən xəstəlik insandan insana yayıla bilər və ölümcül hemorragik qızdırmaya səbəb ola bilər. Hakimiyyət orqanları ictimaiyyəti siçovullar və digər gəmiricilərlə təmasdan çəkinməyə çağırır.

aia.az
Tərcümə şöbəsi

• Ölüm
• Nigeriya
• Lassa Qızdırması