ain.az, Qaynarinfo portalına istinadən məlumat yayır.
Türkiyədə hakimlərin mərc saytlarına üzvlüyü məsələsi ilə bağlı istintaq çərçivəsində 19 nəfər saxlanılıb. Onlardan 17-si hakim və biri isə klub prezidentidir.
Qaynarinfo bu barədə "Hürriyet"ə istinadəön xəbər verir ki.
İstanbul Respublika Baş Prokurorluğu, ictimaiyyətdə "hakimlərin mərc saytlarına üzvlüyü” kimi tanınan istintaq çərçivəsində aralarında 17 hakim və bir Super Liqa klubunun prezidentinin də olduğu 21 şübhəlidən 19-nun saxlanıldığını açıqlayıb.
Baş Prokurorluğun məlumatında bildirilib ki, Türkiyə Futbol Federasiyasının (TFF) prezidenti İbrahim Hacıosmanoğlunun "371 hakimin mərc hesabının olduğu, onlardan 152-nin aktiv şəkildə mərc oynadığının müəyyən edildiyi” barədə bəyanatı əsasında başlanılan istintaq zamanı, hakimlərin dövlət qulluqçusu statusuna malik olmaları da nəzərə alınaraq, bu fəaliyyətin xidməti öhdəliklərə zidd olduğu qiymətləndirilib. Hakimlərin mərc oyunlarına yatırdıqları vəsaitlər, vəzifələrindən qazandıqları gəlirlər və digər şəxsi gəlirləri müqayisə edilib, həmçinin "İdmanda zorakılığın və nizamsızlığın qarşısının alınması haqqında” qanunda yer alan oyun nəticəsinə təsir və "qumar” iddiaları araşdırılıb.
Aparılan araşdırma nəticəsində ilkin mərhələdə A.K.K., A.T., B.K., B.T., B.E.A., C.B., E.A., M.Y., M.Ö., N.O., N.K., S.E.T., Ş.B., U.T., U.K., Y.Y. və Y.Ş. adlı 17 hakim barəsində "vəzifə səlahiyyətlərindən sui-istifadə” və 6222 saylı qanunda nəzərdə tutulan "oyun nəticəsinə təsir etmə” maddələri üzrə; Super Liqada yer alan bir klubun prezidenti M.Ö., bir klubun keçmiş sahibi T.C. və keçmiş dərnək rəhbəri M.F.S. barəsində "oyun nəticəsinə təsir etmə”; sosial şəbəkələrdə qaynağı bəlli olmayan manipulyativ məlumatlar paylaşdığı üçün U.E. barəsində isə "ictimaiyyəti qəsdən yanıltmaq” maddələri ilə ümumilikdə 21 şəxs haqqında həbs qərarı çıxarılıb.
Aydın
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
