Dubaydan gələn və 11 milyon rubl dəyərində bəyan edilməmiş zərgərlik məmulatlarını qaçaqmalçılıq yolu ilə keçirməyə cəhd edən rusiyalı qadın saxlanılıb.
Federal Gömrük Xidmətinin (FGX) mətbuat xidmətinin məlumatına görə, qadın təsadüfi yoxlama üçün “yaşıl” dəhlizdə saxlanılıb. Axtarış zamanı onun çamadanından 30 bilərzik, bel çantasından qiymətli metal kulon, iki bilərzik, iki cüt sırğa və doqquz kulon tapılıb. Qadın həmçinin müfəttişinə boyunbağı və kulon təqdim edib.
FGX mətbuat xidmətinin məlumatına görə, müayinə zamanı əşyaların 18 karatlıq qızıl və sterlinq gümüşdən, inkrustasiyaların isə brilyant, ametist, kvars, oniks və xalsedondan hazırlandığı təsdiqlənib. Qadın bütün malları şəxsi istifadə üçün daşıdığını və gömrük qaydaları ilə tanış olmadığını iddia edib.
Cinayət Məcəlləsinin 226.1-ci maddəsinin 1-ci hissəsi (strateji əhəmiyyətli malların qaçaqmalçılığı) ilə cinayət işi açılıb. Rus qadını beş ilə qədər həbs cəzası və ya 1 milyon rubla qədər cərimə gözləyir.
//Samir Qurbanov, Editor.az
