Pep Qvardiola “Mançester Siti” – “Liverpul” qarşılaşması ilə “el klasiko” arasında aparılan müqayisələrdən danışıb.
Publika.az xəbər verir ki, “Siti”nin baş məşqçisi bu barədə mətbuat konfransında danışıb:
“Barselona və “Real” oyununda kənar səs-küy buradakından min dəfə yüksəkdir. Stadiondakı atmosfer olduqca oxşardır – bu, sadəcə olaraq fantastikdir. Biz son on ildə “Siti”yə bu rəqabəti yaratmağa kömək etmişik. Bundan əvvəl məncə, əsas rəqabət “Yunayted” – “Liverpul” arasında idi.
Yurgen Kloppun dövründə baş verənlər onu ən böyük rəqabətə çevirdi, çünki bəlkə də artıq birinci mövsümdən sonra Premyer Liqa titulu uğrunda mübarizə bizimlə onlar arasında idi.
