Litva, Litva yük maşınlarının sərhəddə ilişib qalması səbəbindən Belarusa dəmir yolu hərəkətini qadağan etməklə hədələyib.
NOCOMMENT.az xəbər verir ki, bu sözləri Litvanın baş nazirinin müşaviri İqnas Dobrovolskas LRT milli radiosunun efirində deyib.
“Belarus dəmir yolu yüklərinin Litva ərazisindən daşınmasına uzunmüddətli məhdudiyyətlər məsələsi nəzərdən keçirilir”, – baş nazirin müşaviri qeyd edib.
Dobrovolskas əlavə edib ki, Vilnüs Belarus tərəfdən yük daşıma şirkətlərinə dəymiş ziyanı ödəmək niyyətindədir. O, həmçinin yük daşıyan şirkətləri itkiləri barədə məlumat toplamağa çağırıb.
Noyabrın 7-də Litvanın daxili işlər naziri Mindauqas Bajarunas Belarusu Litva yük maşınlarının vətənlərinə daxil olmasına icazə verməməkdə ittiham edib.
