Dünyaca məşhur avstraliyalı aktyor Rassel Krou "Nyurnberq" filminin çəkilişləri başa çatdıqdan sonra 25 kiloqram arıqlayıb.
Axşam.az xəbər verir ki, bu barədə aktyor "People" jurnalına verdiyi müsahibədə danışıb.
O bildirib ki, bir il əvvəl çəkisi 126 kiloqram olub, indi isə 100,9 kiloqramdır. Onun sözlərinə görə, artıq çəki itirməsinin əsas səbəbi alkoqol qəbulunu azaltmasıdır:
"Əvvəllər içki içməyin böyük tərəfdarı idim. İndi isə çalışıram ki, sadəcə səbəbsiz içməyim. Əgər axşam yeməyində bir qədəh şərab içmək qərarına gəlsəm, bu, doğrudan da yaxşı şərab olur".
