BAKI, 10 noyabr. TELEQRAF
Venesuela Prezidenti Nikolas Maduro Latın Amerikası və Karib hövzəsinin sülh zonası kimi qorunmasının vacibliyini vurğulayıb.
Teleqraf xəbər verir ki, o bu barədə Kolumbiyanın Santa-Marta şəhərində keçirilən CELAC–Avropa İttifaqı sammiti iştirakçılarına ünvanladığı müraciətdə bildirib.
Dövlət başçısı regionun hərbiləşdirilməsinə qarşı çıxıb və ABŞ-nin Karib hövzəsində hərbi qüvvə yerləşdirməsini tənqid edib:
“Bölgəni sülh zonası kimi müdafiə etməli və Karib dənizinin hərbi gərginliyə çevrilməsinin qarşısını almalıyıq”.
Maduro, həmçinin Kuba üzərinə tətbiq edilən blokadanın ləğvini tələb edib və Avropa İttifaqının birtərəfli sanksiyalarının xalqların inkişafına zərər vurduğunu qeyd edib.
