Türkiyənin Balıkesir şəhərində 4.5 bal gücündə zəlzələ baş verib.
Azreform.info xəbər verir ki, bu barədə Türkiyə Fövqəladə Halların İdarə olunması Agentliyi (AFAD) məlumat yayıb.
Zəlzələ yerli vaxtla 05:48-də Sındırqı rayonunda qeydə alınıb.
13,25 kilometr dərinlikdə baş verən zəlzələ İstanbul, İzmir və ətraf əyalətlərdə də böyük panika yaradıb.
Mütəxəssislər 10 avqustda baş verən ilk 6,1 bal gücündə zəlzələdən bəri təxminən 15 000 afterşok baş verdiyini bildiriblər və bu vəziyyəti "zəlzələ fırtınası" kimi təsvir edirlər.
Qeyd edək ki, Balıkesirdə 10 avqust və 27 oktyabr tarixlərində 6,1 bal gücündə zəlzələlər baş verib. Bölgədə təxminən 1600 müstəqil ərazi orta və ya ağır ziyana məruz qalıb. Ardıcıl zəlzələlərdən sonra Sındırqı fəlakət bölgəsi elan edilib.
Billurə
