Türkiyənin “Fənərbaxça” klubu Avropa Liqasının 4-cü turunda “Viktoriya Plzen”ə qarşı oyunda penalti təyin etməyən niderlandlı hakim Allard Lindhutun hərəkətləri ilə bağlı UEFA-ya rəsmi şikayət ərizəsi təqdim edib.
İdman.Biz bildirir ki, qarşılaşma 0:0 hesablı heç-heçə ilə yekunlaşıb.
“Klubumuz “Viktoriya Plzen”ə qarşı matçda hakim Allard Lindhutun qərarları ilə bağlı UEFA-ya rəsmi müraciət edib. Apelyasiyamızda UEFA-dan xahiş edirik ki, hadisələri hakimin oyun boyu liderlik tərzini və onun səhv qərarlarının oyunun nəticəsinə birbaşa təsirini nəzərə alaraq lazımi ciddiliklə və təcili şəkildə araşdırsın. Proses rəsmi olaraq UEFA tərəfindən başlanıb və araşdırmanın gedişatı barədə məlumat ictimaiyyətə açıqlanacaq”, - klubun rəsmi saytında yerləşdirilən açıqlamada deyilir.
Avropa Liqasında dörd oyundan sonra “Fənərbaxça” turnir cədvəlində yeddi xalla 15-ci yerdədir.
