Türkiyədə ''Bein Sports''un binasına silahla hücum edildi!

Türkiyə çempionatının rəsmi yayın hüququna malik olan ''Bein Sports''un Sarıyerdə yerləşən binasına silahlı basqın həyata keçirilib.

"Football-plus.az" xəbər verir ki, hadisə noyabrın 10-da yerli vaxtla saat 12.00 radələrində baş verib. K.S. adlı şəxs binaya girərək əlindəki silahı göstərib və ordakıları insanları təhdid etməyə başlayıb.

Məlum olub ki, onunla kanalın şərhçilərindən birinin arasında daha öncədən münaqişə yaşanıbmış. Guya şərhçi həmin şəxsin həyat yoldaşını təhqir edibmiş. Silahlı şəxs şərhçinin üzr istəməsini tələb edib.

Hadisə yerinə gələn polis işçiləri K.S. ilə danışaraq onu sakitləşdirməyə müvəffəq olublar. Silahlı şəxs binaya daxil olduqdan təxminən yarım saat sonra ordan çıxarılıb və ifadəsi alınması üçün bölməyə aparılıb. Hadisə nəticəsində heç kim xəsarət almayıb.

• Türkiyə
• Təhdid
• Silahlı Hücum
• Bein Sports
• Sarıyer