Azpost portalından verilən məlumata görə, ain.az xəbər yayır.
Rusiyanın Yekaterinburq şəhərində baş verən faciə ictimaiyyəti sarsıdıb. AzPost xəbər verir ki, 27 yaşlı mağaza direktoru içkili vəziyyətdə həmkarlarına bıçaqla hücum edərək ev sahibəsini – 52 yaşlı qadını öldürüb.
Hadisə həmkarların ev şəraitində bir araya gəldiyi axşam süfrəsi zamanı baş verib. Gecə saatlarında mağaza direktoru Yaroslav adlı şəxs kassir işləyən həmkarı Olqanın evinə qonaq gedib. Evin içərisində bir neçə iş yoldaşı və qadının iki yaşlı nəvəsi də olub.
Şahidlərin sözlərinə görə, Yaroslav əvvəlcə sakit görünürdü, lakin bir müddət sonra sərxoşluğun təsiri altında aqressiv davranmağa başlayıb. Qısa zaman sonra o, mətbəxdəki bıçağı götürərək ətrafdakı insanlara hücum edib.
Ev sahibi Olqa həm uşağı, həm də qonaqları qorumağa çalışarkən bıçaq zərbəsi alıb və hadisə yerində dünyasını dəyişib. Digər iştirakçılar hadisə yerindən qaçaraq polisə məlumat veriblər.
Qonşular bildiriblər ki, qadın sakit və mehriban insan kimi tanınırdı, həmkarı Yaroslav isə əvvəllər heç bir problem yaratmamışdı. Lakin onun içki qəbul etdikdə aqressivləşdiyi, iş yoldaşları tərəfindən dəfələrlə müşahidə edildiyi qeyd olunur.
Hadisə yerinə gələn istintaq qrupu bütün dəlilləri toplayıb, Yaroslav dərhal saxlanılıb. Onun barəsində “qəsdən adam öldürmə” maddəsi ilə cinayət işi açılıb.
İstintaq Komitəsi bildirir ki, hadisənin motivləri araşdırılır, şahidlər dindirilib. Ekspertiza həm də şübhəlinin hadisə vaxtı sərxoşluq dərəcəsini müəyyənləşdirəcək.
AzPost.az
Paylaş
Ən son xəbərləri və yenilikləri almaq üçün ain.az saytını izləyin.
