Bakı, 12 noyabr, AZƏRTAC
Təhlükəli qlobal istiləşmənin qarşısını almaq üçün Braziliyanın Belem şəhərində iki həftə ərzində danışıqlar aparılacaq. Builki konfransda əsas diqqət geniş yağış meşələrinin üzləşdiyi təhlükəyə yönəlib. Ekspertlərin fikrincə, COP30-da ən mübahisəli məsələlər yenə də maliyyə və qazıntı yanacaqları ilə bağlı olacaq. Gözləniləndən fərqli olaraq, Braziliyada keçirilən COP30-a maraq azdır. Bir çox dünya liderləri konfransda iştirakını təsdiqləməyib. Afrika Vətəndaş Cəmiyyətinin üzvləri isə ümumiyyətlə prosesdən kənar qaldıqlarını deyirlər. Onlar COP30-la bağlı təşkilati məsələlərdə ciddi çətinliklərlə üzləşdiklərini iddia edirlər.
