İsrail qüvvələri atəşkəsə baxmayaraq Qəzza zolağının bir neçə ərazisini atəşə tutub.
Xalqcebhesi.az xəbər verir ki, bu barədə “Al Jazeera” Fələstin mənbələrinə istinadən məlumat yayıb.
Onların məlumatlarına görə, anklavın cənubunda İsrail hərbçiləri Rəfah şəhərinin şimal-qərb ətrafındakı Əş-Şakuş bölgəsini, eləcə də Xan Yunisin şərqindəki Bəni-Süheyla ərazisi yaxınlığında atəş açıblar. Bundan əlavə, Qəzza şəhərinin şərq ətrafı və Beyt Lahiya kəndinin şimal zolağında yerləşən məhəllələrindən birinin hava hücumlarına məruz qaldığı iddia edilir. Beyt Lahiyadakı məktəb binasının atışma zonasında olduğu qeyd olunub. Hadisələrin nəticələri ilə bağlı məlumat yoxdur.
Məryəm Quliyeva
