Azərbaycan milli komandasının heyətində dəyişiklik olub.
QOL.az xəbər verir ki, bu haqda AFFA-nın saytı məlumat yayıb.
Millimizin futbolçusu Toral Bayramov ("Qarabağ") zədələndiyi üçün heyətdən çıxarılıb.
Qeyd edək ki, komandamız DÇ-2026-nın seçmə mərhələsi çərçivəsində noyabrın 16-da Tofiq Bəhramov adına Respublika Stadionunda Fransa yığması ilə qarşılaşacaq.
Əlavə edək ki, yığmamızın digər üzvü Elvin Cəfərquliyev ("Qarabağ") də sözügedən görüşü buraxacaq. O, yüksək hərarət səbəbindən millinin heyətindən çıxarılıb. Elvin 2 gün əvvəl İslandiya ilə matçda da iştirak etməyib.
