Türkiyənin Balıkesir bölgəsində 4.1 bal gücündə zəlzələ baş verib.
Oxu.Az AFAD-a istinadən xəbər verir ki, yeraltı təkanlar
Sındırgı rayonunda qeydə alınıb.
Məlumata görə, təbiət hadisəsi Bakı vaxtı ilə saat 4:04-də olub.
Zəlzələnin ocağı 7 km dərinlikdə yerləşib.
Dağıntı və itki barədə məlumat verilməyib.
Xatırladaq ki, oktyabrın 27-də bölgədə 6.1 ballıq güclü zəlzələ olub. Bundan sonra Balıkesirdə bir neçə dəfə yeraltı təkanlar qeydə alınıb.
