Azərbaycan millisinin futbolçusu Elvin Bədəlov DÇ-2026-nın seçmə mərhələsində Fransa ilə keçiriləcək qarşılaşma öncəsi mətbuat konfransında oyunla bağlı fikirlərini bölüşüb.
90deqiqe.Az-ın məlumatına görə, futbolçu rəqibin gücünü qəbul etsə də, komandanın nəticə qazanacağına inandığını bildirib:
“Fransa güclü rəqibdir. Amma biz oyuna hazırıq. İnanıram ki, evdəki son matçda nəticə qazana bilərik”.
Qeyd edək ki, Azərbaycan – Fransa görüşü noyabrın 16-da Tofiq Bəhramov adına Respublika Stadionunda saat 21:00-da başlayacaq.
