Azərbaycan Mərkəzi Asiya Məşvərət Görüşlərinə tamhüquqlu iştirakçı kimi qoşulub.
Redaktir.az xəbər verir ki, bunu Özbəkistan Prezidenti Şavkat Mirziyoyev "Mərkəzi Asiya + Azərbaycan" formatında Dövlət Başçılarının 7-ci Məşvərət Görüşünün açılışındakı salamlama nitqində bildirib.
""Mərkəzi Asiya + Azərbaycan" formatı Mərkəzi Asiya ilə Cənubi Qafqaz arasında güclü bir körpü quracaq, vahid əməkdaşlıq məkanının formalaşmasına yol açacaq. Bu, inkişafa güclü təkan verəcək və ticarət, iqtisadi, investisiya, mədəni və humanitar əməkdaşlıq üçün yeni üfüqlər açacaq, eləcə də davamlı inkişaf məsələləri üzrə konsolidasiya olunmuş həllərin hazırlanmasına kömək edəcək", - deyə Özbəkistan lideri bildirib.
