Fransa noyabrın 14-nə keçən gecə Ukraynaya endirilən aviazərbələrdən sonra Rusiyaya təzyiqləri artıracağına söz verib.
NOCOMMENT.az xəbər verir ki, bu barədə Fransa Xarici İşlər Nazirliyinin rəsmi saytında dərc olunmuş bəyanatda deyilir.
“Fransa Rusiya Silahlı Qüvvələrinin həyata keçirdiyi kütləvi zərbələri qəti şəkildə pisləyir. Fransa Ukrayna, xalqı və hakimiyyəti ilə tam həmrəy olduğunu bildirir”, – bəyanatda deyilir.
Diplomatik departament vurğuladı ki, Paris öz tərəfdaşları və müttəfiqləri ilə birlikdə Ukraynaya dəstəyini və Moskvaya təzyiqlərini gücləndirmək niyyətindədir.
Noyabrın 14-də Rusiya Silahlı Qüvvələri “Kinjal” hipersəs ballistik raketlərindən istifadə etməklə Ukraynaya zərbə endirib. Zərbə Ukraynanın hərbi-sənaye kompleksi obyektlərini və onları dəstəkləyən enerji sektorunu hədəf alıb, Rusiya Müdafiə Nazirliyi bildirir.
