Yaponiya Baş naziri Sanae Takaiçinin Tayvanla bağlı verdiyi açıqlamalara görə Çində ən azı iki yapon filminin nümayişi dayandırılıb.
Qaziler.az xəbər verir ki, bu barədə “Reuters” agentliyi məlumat yayıb.
Noyabr ayında Takaiçi bildirib ki, Çinin Yaponiyanı təhdid edən Tayvan üzərində zorla nəzarət yaratmaq cəhdi hərbi cavaba səbəb ola bilər. Bundan sonra, iki ölkə arasında gərginliyin artması fonunda Çin distribyutorları "Kasukabenin alovlu rəqqasları" cizgi filminin və "Hüceyrələr işdə!" manqa adaptasiyasının kinoteatrlarda nümayişini dayandırıblar.
Dövlət televiziyası CCTV yapon filmlərinin dayandırılmasını ölkədəki əhval-ruhiyyəni əks etdirən "məqbul qərar" adlandırıb.
Pekin vətəndaşlarını Yaponiyaya səyahət etməkdən çəkinməyə çağırıb. Rəsmi məlumatlara görə, Çin vətəndaşları Yaponiyaya gələn turistlərin ən çox sayını - təxminən dörddə birini təşkil edir.
QAZİLER.AZ
