Bu gün Avropa zonası üzrə 2026-cı il dünya çempionatının pley-off mərhələsinin püşkü atılacaq.
Publika.az xəbər verir ki, mərasim İsveçrənin Sürix şəhərində baş tutacaq və Bakı vaxtı ilə saat 16:00-da başlayacaq.
Pley-off mərhələsində 16 yığma mübarizə aparacaq və onlar dörd səbətə bölünəcək. Komandalar iki mərhələdə - yarımfinal (26 mart 2026) və finalda (31 mart 2026) qarşılaşacaq. Hər yolun qalibi dünya çempionatının final mərhələsində iştirak hüququ qazanacaq.
Birinci səbət: İtaliya, Danimarka, Türkiyə, Ukrayna.
İkinci səbət: Polşa, Uels, Çexiya, Slovakiya.
Üçüncü səbət: İrlandiya, Albaniya, Bosniya və Herseqovina, Kosovo.
Dördüncü səbət: İsveç, Rumıniya, Şimali Makedoniya, Şimali İrlandiya.
