BAKI, 21 noyabr. TELEQRAF
Media sahəsində bütün ölkələrdə oxşar maneələr var ki, bunlardan biri də sosial platformalardır.
Teleqraf xəbər verir ki, bunu İranın Press TV kanalının beynəlxalq əlaqələr şöbəsinin müdiri Elham Abedini D-8 Media Forumu çərçivəsində keçirilən "Məsuliyyətli jurnalistika və rəqəmsal innovasiya" adlı panel müzakirəsində bildirib.
O qeyd edib ki, faktı heç nəyə qurban vermək olmaz:
“Bu gün saxta informasiya çox və sürətlə yayılır. Məlumatın yayımı ilə bağlı ana xətt formalaşdırmalıyıq. Ən vacib məsələ süni intelektin imkanları ilə risklərini tənzimləyəcək protokollar tərtib etməkdir. Bu sahədə əldə etdiyimiz nailiyyətlər çox azdır. D-8 çərçivəsində yaradılan mərkəzlərin süni intellektlə bağlı bizi bir araya gətirə bilər. Süni intellekt dövründə jurnalsitikanın necə davam etdirilə biləcəyimizi, süni intellektdən müsbət yararlanma yollarını müəyyənləşdirməliyik. Süni intellekt bizi bir-birimizə daha da yaxınlaşdıra bilər”.
