ABŞ prezidenti Donald Tramp administrasiyasının “Müsəlman Qardaşları”nı xarici terror təşkilatları siyahısına salmaq üçün sənədləşmə prosesini yekunlaşdırdığını bildirib.
Vətəninfo.az xəbər verir ki, Tramp Just the News-a açıqlamasında qərarın “mümkün olan ən ciddi səviyyədə” icra olunacağını deyib və bunun məcburi xarakter daşıyacağını vurğulayıb.
Məlumata görə, belə bir addım ABŞ-ın təşkilata yönələn bütün maliyyə axınını dayandıracaq və qrup üzvlərinin ölkəyə girişini qadağan edəcək. Qərar zorakılıq və hədə-qorxu ilə bağlı təhlükələrin qarşısının alınması ilə əsaslandırılır.
“Müsəlman Qardaşları”nın terror təşkilatı kimi tanınması mövzusu ilk dəfə Trampın 2019-cu ildəki prezidentliyi dövründə gündəmə gəlib. Hərəkat ittihamları rədd edərək özünü dinc siyasi fəaliyyətə sadiq qrup kimi təqdim edib.
