BAKI, 25 noyabr. TELEQRAF
Ulduz futbolçu Kriştianu Ronaldu ilə sevgilisi Corcina Rodriqesin toy mərasiminin məkanı məlum olub.
Teleqraf xəbər verir ki, bu barədə "Jornal da Madeira" qəzeti məlumat yayıb.
Mənbənin məlumatına görə, cütlük 2026-cı ilin yayında Portuqaliyanın Madeyra adasında evlənəcəklər.
Mərasim Ronaldunun doğma şəhəri Funşaldakı kafedralda keçiriləcək və şənliklər lüks oteldə davam edəcək.
Toyun DÇ-2026-dan sonra təşkil olunacağı dəqiqdir.
Qeyd edək ki, avqustun 11-də Corcina Rodriqes sosial şəbəkə hesabında Kriştianu Ronaldudan nişan üzüyü alması ilə bağlı şəkil paylaşıb. Onlar on ildən artıqdır birlikdədir.
