Son vaxtlar paytaxtın müxtəlif ərazilərində ard-arda baş verən yanğın və partlayışlar ictimai narahatlığı artırıb.
Yasamalda 3 nəfərin ölümü, 27 nəfərin xəsarət alması ilə nəticələnən faciə günlərlə müzakirə olunur. Sakinlərin iddialarına görə, hadisənin baş verdiyi binanın zirzəmisində pəncərəsiz, tam qapalı məkanda “LOFT” adlı restoran tikilib və ümumi əmlak hesab olunan sahələr satılıb.
Bunun ardınca noyabrın 24-də AFEN Plazada baş verən növbəti partlayış da suallar doğurur. Binada qaz olmadığı halda partlayışın necə baş verməsi, qaz infrastrukturunda hansı boşluqların mövcudluğu barədə yeni müzakirələrə səbəb olub. Ümumilikdə isə binalarda, restoranlarda və kommersiya obyektlərində təhlükəsizlik standartlarının hansı səviyyədə təmin olunması məsələsi gündəmə gəlib.
Bakı Şəhər Baş Qaz İstehsalat İdarəsinin keçmiş birinci müavini, kommunal xidmətlər üzrə ekspert Nüsrət Qasımov “TV Müsavat”ın qonağı olub və mövzu ilə bağlı bütün sualları cavablandırıb.
