Hindistanın Rajastan əyalətində bir kişi nəhəng bir piton tərəfindən boğulmaq təhlükəsi ilə üzləşib. “India Today”ın verdiyi məlumata görə, hadisə istilik elektrik stansiyasında, “Krishna Engineering” şirkətinin işçisi Nand Singh sıx bitki örtüyündə boru kəməri klapanını açarkən baş verib. İşləyərkən qəfildən üç metr uzunluğunda bir ilan onun ayaqlarına dolanıb.
Vəziyyətin sürətlə pisləşməsinə baxmayaraq, o, kömək çağırmağı bacarıb. Həmkarları 20 dəqiqə sonra gəliblər və onu azad etməyə təxminən 10 dəqiqə sərf ediblər.
İşçilər pitonla mübarizə aparmaq məcburiyyətində qalıblar və nəticədə ilan ağır xəsarət alıb. Xilas edildikdən sonra kişi xəstəxanaya aparılıb və orada lazımi tibbi yardım göstərilib.
//Samir Qurbanov, Editor.az
