TOVUZ, 28 noyabr. TELEQRAF
Azərbaycan Premyer Liqasının XIII turunda “Turan Tovuz” və “Neftçi” komandaları üz-üzə gəlib.
Teleqraf xəbər verir ki, Tovuz şəhər stadionunda baş tutan qarşılaşma qolsuz bərabərliklə yekunlaşıb.
Matçı baş hakim Fərid Hacıyev idarə edib. Samir Abasov istefaya göndərildiyi üçün “ağ-qaralar”ı bu matça Sənan Qurbanov çıxarıb.
Bu nəticədən sonra Bakı təmsilçisi 16 xalla turnir cədvəlinin 7-ci pilləsinə yüksəlib. 24 xalı olan Kurban Berdiyevin kollektivi isə 3-cü pillədə qərarlaşıb.
Qeyd edək ki, günün ilk qarşılaşmasında “Zirə” səfərdə “Kəpəz”i 2:0 hesabı ilə məğlub edib. Tura noyabrın 30-da yekun vurulacaq.
