Rusiya ordusunun Kiyevə hücumları nəticəsində ölənlərin sayı ikiyə çatıb.
APA xəbər verir ki, bu barədə şəhər meri Vitaliy Kliçko sosial media hesabında məlumat verib.
Onun sözlərinə görə, xəsarət alanların sayı 15-ə çatıb.
***
10:06
Rusiya ordusunun Kiyevə hücumları nəticəsində şəhərin bəzi hissələrində elektrik enerjisinin verilişində fasilələr yaranıb.
APA UNİAN-a istinadən xəbər verir ki, bu barədə şəhər meri Vitaliy Kliçko sosial media hesabında məlumat verib.
***
08:22
Rusiya ordusunun Kiyevə hücumları nəticəsində bir nəfər ölüb, 11 nəfər xəsarət alıb.
APA xəbər verir ki, bu barədə Kiyev Şəhər Hərbi Administrasiyası məlumat yayıb.
Bundan başqa şəhərin müxtəlif ərazilərində yerləşən yaşayış binalarına ziyan dəyib və nəticədə bir neçə yerdə yanğın baş verib.
Dövlət Təcili Yardım Xidməti üçü uşaq olmaqla 52 nəfəri təxliyə etdiyini açıqlayıb.
***
03:55
Ukraynanın paytaxtı Kiyev Rusiya ordusunun hava hücumlarına məruz qalıb.
APA UNİAN-a istinadən xəbər verir ki, bu barədə Kiyev Şəhər Hərbi Administrasiyasının rəhbəri Timur Tkaçenko məlumat verib.
Onun sözlərinə görə, hücum şəhərin müxtəlif yerlərində ən azı altı yerə ziyan vurub. Bunlara çoxmərtəbəli binalar və fərdi evlər daxildir. Hücumlar nəticəsində yaralıların olduğu bildirilir.
"Hazırda Rusiya hücumunun nəticələrini iki yerdə - Darnitski və Şevçenkivski rayonlarında görürük. Bundan başqa çoxmərtəbəli yaşayış binasına da ziyan dəyib. Təfərrüatları təsdiqləyirik", - o bildirib.
O bildirib ki, ruslar yenidən paytaxta kütləvi hücum ediblər. Paytaxtda hava hücumundan müdafiə sistemləri aktivdir.
Şəhərin meri Vitali Kliçko isə hücumların Solomyanski rayonunda 25 mərtəbəli yaşayış binasının birinci və ikinci mərtəbələrində yanğına səbəb olduğunu bildirib.
