ain.az bildirir, Apa.az saytına əsaslanaraq.
Türkiyə Xarici İşlər Nazirliyi noyabrın 28-də Qara dənizdə Qambiya bayraqlı “KAIROS” və “VİRAT” ticarət tankerlərinə edilən hücumlarla bağlı narahatlığını ifadə edib.
APA-nın Türkiyə bürosunun məlumatına görə, bu barədə XİN-in “X” hesabında paylaşım edilib:
“Biz dünən (28 noyabr) Qara dənizdə Qambiya bayraqlı “KAIROS” və “VİRAT” ticarət tankerlərinə edilən hücumlardan narahatıq.
Qara dənizdəki Eksklüziv İqtisadi Zonamızda baş vermiş bu hadisələr gəmiçilik, həyat, əmlak və ətraf mühitin təhlükəsizliyi üçün ciddi risklər yaradır.
Qara dənizdə müharibənin yayılmasının və daha da genişlənməsinin qarşısını almaq, ölkəmizin iqtisadi maraqlarına və regiondakı fəaliyyətlərinə mənfi təsirlərin qarşısını almaq üçün müvafiq tərəflərlə əlaqə saxlamağa davam edirik”- paylaşımda deyilir.
Hadisənin gedişatını izləmək üçün ain.az saytında ən son yeniliklərə baxın.
