Laçın, 30 noyabr, Leyla Muradzadə, AZƏRTAC
“Mən ilk dəfədir Azərbaycandayam və gördüklərimdən son dərəcə təsirlənmişəm. Sanki əzəmətli dağlar və sonsuz bir dəniz dünyasına düşürsən. Buradakı təbiət çox heyrətamizdir”.
Bunu AZƏRTAC-a müsahibəsində Həmkarlar İttifaqları Respublika Mədəniyyət Sarayının “Brest” Regional Mədəniyyət Sarayı müəssisəsinin direktoru Svetlana Semaşko deyib.
Qonağı şəhərin memarlığı və binaları da heyran edib. “Ancaq daha çox burada yaşayan insanlar məni təəccübləndirdi. Onlar son dərəcə qonaqpərvər, yüksək intellektli və nəzakətlidirlər. Laçın şəhəri əbəs yerə MDB-nin mədəniyyət paytaxtı adına layiq görülməyib. Siz haqlı olaraq buna da layiq görülmüsünüz”, – deyə Svetlana Semaşko qeyd edib.
