Noyabrın 30-da Laçın şəhərində "MDB-nin Mədəniyyət Paytaxtı - 2025” ilinin rəsmi bağlanış mərasimi keçirilib.
Publika.az xəbər verir ki, Mədəniyyət Nazirliyi və Laçın rayonunda Azərbaycan Respublikası Prezidentinin xüsusi nümayəndəliyinin təşkilatçılığı ilə reallaşan tədbirdə əvvəlcə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad olunub.
Sonra "Laçın: mədəni nəticələr - 2025" adlı videoçarx nümayiş etdirilib. Videomaterialda "paytaxt ili" ərzində Laçında təşkil olunan tədbir və mədəni layihələr öz əksini tapıb.
