Azpolitika.az portalından verilən məlumata görə, ain.az xəbər yayır.
Azərbaycan İranla ticari-iqtisadi əlaqələrini genişləndirməyə önəm verir.
APA xəbər verir ki, bunu Azərbaycan Prezidentinin köməkçisi - Azərbaycan Prezident Administrasiyasının Xarici siyasət məsələləri şöbəsinin müdiri Hikmət Hacıyev Brüsseldə “EU Today”ə müsahibəsində deyib.
O, İranda Azərbaycan səfirliyində törədilən hücumla bağlı da danışıb. Hikmət Hacıyev xatırladıb ki, hücumu törədən şəxs İran qanunlarına əsasən mühakimə olunub və Azərbaycan İranla münasibətlərdə bu səhifəni tamamilə çevirib.
Hikmət Hacıyev iki ölkə arasındakı münasibətləri normal və stabil qiymətləndirib, eyni zamanda, Azərbaycan Prezidenti İlham Əliyevlə onun iranlı həmkarı Məsud Pezeşkian arasında şəxsi münasibətin istiliyinə diqqət çəkib.
Azərbaycan Prezidentinin köməkçisi Araz çayı üzərində Ağbənd-Kəlalə körpüsü ilə İranın rəsmi Bakının geniş konnektivlik planlarında yer aldığını, bu layihənin strukturunun 2025-ci ilin sonuna qədər yekunlaşacağını vurğulayıb.
“Biz İranı qonşu, tərəfdaş kimi görürük və ticari-iqtisadi əlaqələrimizi genişləndirməyə önəm veririk”, - Hikmət Hacıyev qeyd edib.
Daha ətraflı məlumat və yeniliklər üçün ain.az saytını izləyin.
