Ərdoğan Kiyevə xəbərdarlıq etdi

Rusiya və Ukrayna arasında müharibə Qara dənizdə naviqasiya təhlükəsizliyini təhdid edəcək səviyyəyə çatıb.
ONN media xəbər verir ki, bunu Türkiyə Prezidenti Rəcəb Tayyib Ərdoğan Qara dənizdə "Kairos" və "Virat" tankerlərinin hücuma məruz qalmasını şərh edərkən deyib.
“Biz öz zonamızda naviqasiyanın təhlükəsizliyini, həyatı və ətraf mühiti təhdid edən bu hücumları qəbul edə bilmərik. Bu kimi hallarla bağlı bütün tərəflərə lazımi xəbərdarlıqları edirik. Biz də müharibənin dayandırılmasına yönəlmiş son hadisələri diqqətdə saxlayırıq”, - Ərdoğan bildirib.
Qeyd edək ki, noyabrın 28-də Qara dənizdə, Türkiyə sahillərində Qambiya bayrağı altında Rusiyaya üzən “Kairos” və “Virat” tankerləri Ukrayna Hərbi Dəniz Qüvvələrinin dəniz dronlarının hücumuna məruz qalıb. Hər iki gəmiyə ziyan dəyib.