Selçuk Bayraktarın yaratdığı şirkətin daha bir UĞURU – Peyk orbitə çıxdı - VİDEO

Türkiyənin “Fergani Space Technologies” şirkəti tərəfindən hazırlanan “FGN-TUG-S01” peyki rəsmi olaraq orbitdəki missiyasına başlayıb.

Paralel.az xəbər verir ki , bununla bağlı görüntülər Telegram kanallarında yer alıb.

Belə ki, “FGN-TUG-S01” peyki 28 noyabr 2025-ci il tarixində Kaliforniyadakı Vandenberg Kosmik Hərbi Bazasından SpaceX şirkətinin “Falcon 9 Transporter-15” daşıyıcı raketi vasitəsilə buraxılıb.

Təxminən startdan 81 dəqiqə sonra peyk raketdən ayrılıb və ilk telemetriya məlumatlarını göndərərək uğurlu startı təsdiqləyib.

Xatırladaq ki, “Fergani Space Technologies” şirkəti Selçuk Bayraktar tərəfindən qurulub.