ain.az, Lent az portalına istinadən məlumat yayır.
Polşada naməlum şəxslər “Şrek” filmindəki məşhur personaj formasında olan heykəli oğurlayıblar.
Lent.az xarici mediaya istinadla xəbər verir ki, Şetsin şəhərində Mixkeviç küçəsindəki Balonik mağazasının girişində yerləşən zəncəfil peçenyesi fiquru noyabrın ortalarında oğurlanıb. Daha sonra oğru mağaza sahibləri ilə əlaqə saxlayaraq küçə dekorunu qaytarmaq üçün 200 zlotı (93 manat) tələb edib.
Mağaza sahibləri sosial şəbəkələrdə yazıblar ki, heykəl onların nəvələri tərəfindən hazırlanıb və onun yerini bilənlərdən əlaqə yaratmalarını xahiş ediblər.
27 noyabrda məlum olub ki, dekorasiya zibil konteynerində tapılıb, lakin oğru əşyanın dəqiq yerini açıqlamaqdan imtina edib. Bunun ardından mağaza yenidən şəhər sakinlərinə müraciət edərək axtarışlarda kömək istəyib.
Bir müddət sonra zəncəfil adam tapılaraq mağazaya qaytarılıb. Mağaza rəhbərliyi bildirib ki, yaxın vaxtlarda onunla yenidən şəkil çəkdirmək mümkün olacaq.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
