“Flamenqo” Braziliya Seriya A-nın 37-ci turunda çempionluğu vaxtından əvvəl təmin edib.
90deqiqe.Az-ın məlumatına görə, ötən gecə Rio-de-Janeyrodakı “Marakana” stadionunda baş tutan görüşdə komanda öz meydanında “Seara”nı 1:0 hesabı ilə məğlub edib.
Matçın yeganə qolunu 37-ci dəqiqədə yarımmüdafiəçi Samuel Lino vurub.
Bu qələbə ilə “Flamenqo” 37 oyundan sonra xalını 78-ə yüksəldib və bir tur qalmış ən yaxın izləyicisi “Palmeyras”ı 5 xal qabaqlayaraq çempionluğunu rəsmiləşdirib. Qeyd edək ki, “Palmeyras” paralel görüşdə səfərdə “Atletiko Mineyro” üzərində 3:0 hesablı qələbə qazanıb.
