ain.az xəbər verir, Axsham.az saytına əsaslanaraq.
Səudiyyə Ərəbistanının Qırmızı Dəniz Film Festivalı ötən gecə beşinci dəfə öz qapılarını açıb. Festivalın açılışı isə Rovan Atelein rejissoru olduğu, boks çempionu Neym Həmid haqqında çəkilmiş “Giant” filminin premyerası ilə başlayıb.
Axşam.az xəbər verir ki, gecədə Maykl Keyn və Vin Dizel diqqət mərkəzində olub. Maykl Keyn tədbirə əlil arabasında qatılıb. Mükafat təqdimetmə mərasimində aktyor nitq söyləyib:
“Qarşılama üçün təşəkkür edirəm. Mənim adım Maykl Keyndir. Bu mənim həqiqi adım deyil, amma real bir addır. Pul qazandıran da elə o olub (Aktyor burada nəzərdə tutur ki, Maykl Keyn onun şəxsiyyət vəsiqəsində yazılan adı deyil. Əsl adı Moris Cozef Miklvaytdır. Maykl Keyn adı isə aktyora uğur, gəlir qazandıran və şöhrət gətirən adıdır -red.).
Mən Londonda işçi sinfinə məxsus ailədə doğulmuşam. Ailəm çox kasıb idi. Sonra indiki olduğum adama çevrildim. Çox varlı deyiləm, amma həm çöldə, həm də evdə yaxşı bir axşam keçirmək üçün yetərincə pulum var… 52 ildir evliyəm. Evimdə çoxlu şəkillərim var, amma heç biri mənim çəkildiyim filmlərdən deyil. Hamısı ailəmə aiddir, çünki bu, mənim həyatımdır”.
Səhnədə aktyoru üç nəvəsi müşayiət edib.
Qeyd edək ki, Maykl Keyn və Vin Dizel 2015-ci ildə “Son cadı ovçusu” filmində birgə rol alıblar.
Ən son xəbərləri və yenilikləri almaq üçün ain.az saytını izləyin.
