Axar.az saytından alınan məlumatlara görə, ain.az xəbər verir.
Dekabrın 8-də Azərbaycan Dillər Universitetinin (ADU) rektoru, akademik Kamal Abdullaya Moldova Respublikasının Kişinyov Pedaqoji Universitetinin fəxri doktoru və universitetin ən yüksək mükafatı olan “İon Kryanqe” medalı təqdim olunub.
Bu barədə Axar.az-a ADU-dan məlumat verilib.
Məlumata görə, təqdimat mərasimində Kişinyov Pedaqoji Universitetinin rəhbərliyi və nümayəndə heyəti iştirak ediblər.
Görüş zamanı Kişinyov Pedaqoji Universitetində “Azərbaycan dili və mədəniyyəti” mərkəzinin fəaliyyətə başlaması və universitetlər arasında elmi, mədəni əməkdaşlığın qurulması ilə bağlı anlaşma memorandumu imzalanıb.
ADU-nun rektoru, akademik Kamal Abdulla göstərilən yüksək etimada və dəyərə görə Kişinyov Pedaqoji Universitetinin rəhbərliyinə və kollektivinə minnətdarlığını bildirib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
