“Mercedes”in pilotu Corc Rassel komandanın Konstruktorlar kubokunda ikinci yeri tutmasına kömək etdiyi son “Formula-1” mövsümü haqqında düşüncələrini bölüşüb.
İdman.Biz-in məlumatına görə, britaniyalı pilot X sosial media hesabında bu barədə yazıb.
“2025 bitdi. Komandanı Konstruktorlar Kubokunda ikinci yerə çıxardığım üçün çox şadam! Bu, enişli-yoxuşlu, bəzi inanılmaz uğurlarla və bir çox dərslərlə dolu bir il oldu. Səyləri və fədakarlıqlarına görə pərdəarxası işləyən inanılmaz insanlara təşəkkür edirəm! 2026-cı ilə doğru!”, - britaniyalı pilot qeyd edib.
Son çempionatda Rassel 319 xal toplayaraq pilotların sıralamasında dördüncü yeri tutub. Onun pilotu olduğu “Mercedes” komandası Konstruktorlar kubokunda yalnız “McLaren”dən geri qalaraq ikinci yerdə qərarlaşıb.
