Kiril Astraxanın adının OFAC siyahısından silindiyi təsdiqlənib...
Poliqon xəbər verir ki, ABŞ Maliyyə Nazirliyinin Xarici Aktivlərə Nəzarət İdarəsi (OFAC) “Kasperski Laboratoriyası”nın korporativ biznes üzrə icraçı vitse-prezidenti Kiril Astraxanı yenilənmiş sanksiya siyahısından çıxarıb. Bu barədə məlumat qurumun rəsmi açıqlamasında yer alıb.
OFAC tərəfindən dərc olunan yenilənmiş siyahıda məhdudiyyətlərin ləğv edildiyi şəxslər arasında Kiril Astraxanın adı xüsusi olaraq qeyd olunub. Bununla ABŞ 2024-cü ilin iyununda tətbiq etdiyi sanksiyaların bir hissəsini geri götürmüş olur.
Xatırladaq ki, həmin dövrdə ABŞ “Kasperski Laboratoriyası”nın özünü və bir neçə yüksək vəzifəli əməkdaşını, o cümlədən Kiril Astraxanı sanksiyalara məruz qoymuşdu. Vaşinqton həmin vaxt şirkətin ABŞ-nin milli təhlükəsizliyi üçün potensial təhdid yaratdığını bildirirdi.
Hazırda OFAC-ın qərarı şirkətin konkret hansı fəaliyyətləri və ya əlavə qiymətləndirmələri nəticəsində qəbul etməsi barədə əlavə məlumat açıqlamayıb. Lakin ekspertlər bildirirlər ki, fərdi sanksiyaların ləğvi şirkətə qarşı ümumi məhdudiyyətlərin yumşaldılması anlamına gəlməsə də, Vaşinqtonun qiymətləndirmə prosesində müəyyən dəyişikliklərin baş verdiyini göstərir.
Poliqon.info
