Kremlin Kupyansk və Pokrovskla bağlı verdiyi bəyanatlar daha çox informasiya müharibəsinin tərkib hissəsidir, nəinki real hərbi vəziyyətin əksi...
XəzərNews.az xəbər verir ki, bu barədə açıqlama ilə siyasi şərhçi Şahin Cəfərli çıxış edib.
Onun sözlərinə görə, Rusiya lideri oktyabrın sonlarından etibarən bir neçə dəfə Kupyansk və Pokrovsk şəhərlərinin guya mühasirəyə alındığı və “azad edildiyi” barədə açıqlamalar verib, hətta bu şəhərlərə xarici jurnalistlərin səfərinin təşkil olunmasını da təklif edib.
“Putinin bu çağırışı xarici jurnalistlər tərəfindən ciddi qəbul edilmədi. Bununla belə, Ukrayna Prezidenti Volodimir Zelenski bu təklifə simvolik cavab verərək Kupyanska səfər etdi və bununla da Rusiyanın iddialarını faktiki olaraq təkzib etmiş oldu”, – deyə Şahin Cəfərli vurğulayıb.
Şərhçi qeyd edib ki, Kupyansk istiqamətində Rusiya piyadalarının şəhərə sızması halları qeydə alınsa da, onların böyük əksəriyyəti Ukrayna qüvvələri tərəfindən məhv edilib və hazırda şəhər Ukrayna ordusunun nəzarətindədir.
Pokrovskda isə vəziyyətin daha gərgin olduğunu bildirən Şahin Cəfərli əlavə edib ki, şəhərdə küçə döyüşləri davam edir:
“Şəhəri ələ keçirə bilməyən Rusiya komandanlığı ehtiyatda saxladığı 76-cı Pskov desant diviziyasını da Pokrovsk istiqamətinə göndərib. Lakin Ukraynanın Pilotsuz Sistemlər Komandanı Robert Brovdi, ləqəbi Madyar, artıq bu desant birləşməsinin utilizasiyasına başlandıqlarını açıqlayıb”.
Şahin Cəfərli hesab edir ki, bu faktlar Rusiyanın səsləndirdiyi optimist bəyanatlarla cəbhədəki real vəziyyət arasında ciddi ziddiyyətin olduğunu açıq şəkildə göstərir və Moskvanın informasiya sahəsində yaratmaq istədiyi görüntü hərbi reallıqlarla uyğun gəlmir.
Xəbər 3 dəfə oxunub.
XəzərNews.az xəbər verir ki, bu barədə açıqlama ilə siyasi şərhçi Şahin Cəfərli çıxış edib.
Onun sözlərinə görə, Rusiya lideri oktyabrın sonlarından etibarən bir neçə dəfə Kupyansk və Pokrovsk şəhərlərinin guya mühasirəyə alındığı və “azad edildiyi” barədə açıqlamalar verib, hətta bu şəhərlərə xarici jurnalistlərin səfərinin təşkil olunmasını da təklif edib.
“Putinin bu çağırışı xarici jurnalistlər tərəfindən ciddi qəbul edilmədi. Bununla belə, Ukrayna Prezidenti Volodimir Zelenski bu təklifə simvolik cavab verərək Kupyanska səfər etdi və bununla da Rusiyanın iddialarını faktiki olaraq təkzib etmiş oldu”, – deyə Şahin Cəfərli vurğulayıb.
Şərhçi qeyd edib ki, Kupyansk istiqamətində Rusiya piyadalarının şəhərə sızması halları qeydə alınsa da, onların böyük əksəriyyəti Ukrayna qüvvələri tərəfindən məhv edilib və hazırda şəhər Ukrayna ordusunun nəzarətindədir.
Pokrovskda isə vəziyyətin daha gərgin olduğunu bildirən Şahin Cəfərli əlavə edib ki, şəhərdə küçə döyüşləri davam edir:
“Şəhəri ələ keçirə bilməyən Rusiya komandanlığı ehtiyatda saxladığı 76-cı Pskov desant diviziyasını da Pokrovsk istiqamətinə göndərib. Lakin Ukraynanın Pilotsuz Sistemlər Komandanı Robert Brovdi, ləqəbi Madyar, artıq bu desant birləşməsinin utilizasiyasına başlandıqlarını açıqlayıb”.
Şahin Cəfərli hesab edir ki, bu faktlar Rusiyanın səsləndirdiyi optimist bəyanatlarla cəbhədəki real vəziyyət arasında ciddi ziddiyyətin olduğunu açıq şəkildə göstərir və Moskvanın informasiya sahəsində yaratmaq istədiyi görüntü hərbi reallıqlarla uyğun gəlmir.
Xəbər 3 dəfə oxunub.
