Cebheinfo portalından verilən məlumata əsasən, ain.az bildirir.
Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən tibb müəssisələrində 2025-ci ilin noyabr ayı ərzində ümumilikdə 2 223 432 müraciət qeydə alınıb.
Bu barədə “Cebheinfo.az”-a TƏBİB-dən məlumat daxil olub.
Bildirilir ki, bunlardan 44 549-u stasionar, 2 178 883-ü ambulator olub. 2024-cü ilin eyni dövrü ilə müqayisədə müraciətlərin ümumi sayında 11 % artım qeydə alınıb.
Noyabr ərzində göstərilən xidmət sayında ötən ilin eyni dövrü ilə müqayisədə artım müşahidə olunub. Belə ki, ay ərzində 8 232 492 tibbi xidmət göstərilib. Onlardan 1 049 711-i stasionar, 7 182 781-i ambulator olub.
Tibb müəssisələrində göstərilən xidmətlərin ümumi sayı ötən ilin eyni dövrü ilə müqayisədə 16 % artıb. Ay ərzində cərrahi əməliyyat və prosedurların sayı isə 32 383 (30 368 stasionar, 2 015 ambulator) olub.
Tibb müəssisələri üzrə vətəndaşlara göstərilən laborator xidmətlərdə artım qeydə alınıb. Müvafiq dövr ərzində 3 652 026 sayda laborator müayinələr aparılıb ki, onların da 547 378-i stasionar, 3 104 648-i ambulator olub.
Beləliklə, tibb müəssisələrində göstərilən laborator xidmətlərin ümumi sayında 2024-cü illə müqayisədə 23 % artım qeydə alınıb.
Nigar
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Sonrakı hadisələr barədə daha çox məlumat almaq üçün ain.az saytını izləyin.
